CSKA Sofia dhe futbollisti i kombëtares së Kosovës, Zymer Bytyqi kanë ndarë rrugët.

Këtë lajm e ka bërë të ditur vetë klubi bullgar përmes një postimi në rrjetin social Facebook, shkruan Arbresh.info.

“Futbollisti ofensiv Zymer Bytyqi nuk është më pjesë e skuadrës së CSKA-së”.

“Sot, klubi dhe lojtari i dhanë fund marrëdhënies së tyre kontraktuale me marrëveshje të ndërsjellë”.

“Me fanellën e kuqe, Bytyqi luajti 20 ndeshje në të cilat shënoi 5 gola. CSKA i uron Zymer Bytyqit suksese në sfidat e ardhshme”, thuhet në njoftim.

CSKA Sofia në fillim të këtij muaji për shkak të shkeljes disiplinore vendosi që ta largojë Bytyqin nga skuadra e parë.

Ai ka luajtur 20 ndeshje me këtë klub ku shënoi pesë gola dhe bëri dy asistime.

Sulmuesi kosovar në të kaluarën ka luajtur për skuadra si Antalyaspor, Konyaspor, Salzburg, Viking e Olympiacos./Arbresh.info